Isang Pagmamahal (chapter28-29 Katapusan)

Chapter XXVIII
Ang Hindi Inaasahan
(kadugtong ng nobelang "Isang Pagmamahal" ni roy)




Sa America ay naging abala si Tomas sa pag-aalaga ng kanyang malubhang ina. Halos binabantayan nya ito araw araw kasama ang kanyang kapatid na si Elena. Kaya sa pagbantay ni Elena ay naging panatag ang loob ni Tomas na ayusin nya pansamantala ang mga negosyo nya sa America.



Isang araw ay dumalaw si Luis sa ospital ng kanyang ina at sila ay nagkitakita muli ni Tomas. Nang pauwi na sila ay niyaya ni Luis si Tomas na kumain sila sa isang Filipino restaurant sa San Francisco.

“O pare kain naman tayo dyan sa isang bagong bukas na Filipino restaurant at hayaan mo naman na ako ang mag libre,” ang sabi ni Luis.

Pumayag naman si Tomas na kumain para na rin makipakwentuhan kay Luis. Habang sila ay kumakain ay nagsabi si Luis ng kanyang pakikipagdalamhati sa sinapit ng kapatid ni Tomas na si Ambrosio. Nagpasalamat naman si Tomas sa pakikiramay ng kanyang kaibigan.

Habang sila ay kumakain ay maynagbati kay Luis at nagsabi: “Oy small world, Luis ikaw nga at kasama pa si Tomas. Ang mga bumati pala sa kanila ay ang dati nilang mga kabarkada at kaibigan na sina Jingle, Meriam at Linda.

“Oy sumabay na kayo sa amin at libre ko ito. Mamaya may part 2 pa tayo,” ang pahayag ni Luis. “Oo nga Luis, balita namin napakayaman muna ditto sa America at may carehome ka pa,” ang sabi naman ni Linda. “O ikaw naman Tomas, masyado kang malihim a, siguro mayaman ka na rin katulad ni Luis,” ang sabi naman ni Merriam.

Pagkatapos nilang kumain ay pumunta sila sa Ichiban sa San Francisco. Ang Ichiban ay katulad ng “The Libray” sa malate na kung saan ay may mga entertainer na galing Pilipinas at mga bakla na nagpapatawa. Halos karamihang pumupunta doon ay mga Pilipino.

Lingid sa kaalaman ni Tomas ay matagal na pa la nya itong plano. Nagkaroon na pala sila nang paguusap ni Rosa na kasabwat ang tatlong mga barkada nya. Hindi alam ni Rosa ang planong iyon. Ang alam nya ay si Tomas ay nasa Pilipinas, ngunit dinadalaw pala nito ang ina ni Tomas sa dahilang sa America pala sya nagbabakasyon ng isang buwan. Alam din ito ng kanyang kapatid na si Elena at nilihim nito kay Tomas ang pagdalaw ni Rosa.

Madilim ang paligid ng Ichiban. Sa isang sulok ay naandon si Rosa at walang kamalay malay na naandon din sa kabilang sulok si Tomas. Ang alam lang ni Rosa ay magkikita sila doon nina Luis at mga dati nilang mga barkada sapagkat mga ilang araw na lang ay pabalik na ito ng Hongkong at patapos na rin ang halos isang buwan na bakasyon sa San Francisco.

Talagang sinadya ni Luis at mga barkada nito na magrequest ng mga love song na paborito nila noon nina Rosa at Tomas. Kaya ang main host ay nagsalita:



“Ladies ang gentlemen, ang gabing ito ay napaka espesyal. Hindi nyo ba napansin na ang mga tugtog na kinakanta naming ay mga yesteryears at mga himig ng pag-ibig. Mga himig ng pag-ibig sa para sa dalawang nilalang na tapat na nagiibigan. Isang pagmamahal ang namagitan sa kanila na saksi ang langit kung gaano ang kanilang pag-mamahalan. Ngunit sadyang ang tadhana ay nagbibigay ng pagsubok at ang dalawang nilalang na ito ay nagkalayo. Kaya ang kantang ito ay maguugnay sa dalawa, Isang Pagmamahal na hindi kayang sukatin ng panahon at walang kamatayang pag-ibig. Ngunit ang kantang ito ay aking hindi aawitin. Ngayong gabi mismo ay matutunghayan nyo ang dalawang ito na ngayon lang magkikita matapos ang mahigit sampung taon ng pangungulila nila sa isat isa. Mga kaibigan tawagin po natin sila. Sina Tomas at Rosa para handugan tayo ng kanilang awiting “Isang Pagmamahal”.

Ang laking gulat ni Tomas at ni Rosa ng marinig ang mga pahayag ng host ng club na iyon. Ngunit pareho silang walang magawa sa dahilang tinutulak sila ng kanilang mga kaibigan at sabay pa ang palakpakan at hiyawan ng mga tao doon. Wala silang magawa ngunit umakyat na lang sa entablado.

Inabot kay Tomas ang isang mikropono at ito ay napatingin kay Rosa. Si Rosa naman ay natulala sa dahilang hindi nya inaasahan ang pagkakataong iyon. Knanta nila ang ito ng buo sa puso. Bawat letra at tono ng kantang iyon ay nauukol sa kanilang naranasan at damdamin ng isang tunay na nagmamahal at pag-ibig na walang kamatayan.



Isang Pagmamahal
Composer: Roy

Noon una tayo ay nagkita
Alam ko’y akin ka ng sinisinta
Halimuyak ng hangin
Wala akong maisip na suliranin
Makapiling ka man lang sa aking paningin

Maraming nagdaang araw
Nang bigla kang sumilaw
Pag-ibig ko’y humahalihawhaw
Sa saya ng iyong pagdalaw

Batid ng langit
Ang pag-ibig nati’y munti
Ngunit ito’y puno ng luwathati
Sa dahilang ikaw lang ang aking inibig
Sa buong buhay ko’y ika’y minimithi

Isang pagmamahal ang atin binitawan
Hindi ito kayang masukatan
Mga pagsubok na dumaan
Kahit panahon ang pumaraan
Ang pag-ibig natin ay walang hangan

Kahit buhay ko man ay lumisan
Wala akong iibigin kahit saan man
Isang pagmamahal na aking binitawan
Buong buhay ko’y aking ihahandog sa iyo aking hiran’
Isang pagmamahal at walang wakas magpakailan pa man

Maluha luha si Rosa ng binibigkas sa kanya ni tomas ang mga himig ng kantang iyon. Hinawakan ni Tomas ang kamay ni Rosa at sila ay nagyakapan.

Halos lahat ng mga tao sa club na iyon ay natahimik at napaiyak sa dalawang nagugnayan at pinagpatuloy ang kanilang pagmamahalan.

Pagkatapos nilang kumanta ay niyaya ni tomas si Rosa sa kanilang mesa. Hindi na nagawa nilang magkamustahan sa dahilang puro tuksuhan ang inabot nila sa kanilang mga kaibigan at barkada.

Habang sila ay nagkwekwentuhan ng mga masayang araw ng nakaraan ay nagbulong si Rosa kay Tomas at nagsabi: “Patawad Tomas sa aking mga pagkakamali.” Hindi na nagsalita si Tomas at niyakap na lang nya si Rosa. Nagpalakpakan muli at nasiyahan ang mga barkada ni Tomas. “ Oy Tomas dalaga na yan si Rosa, nakapag divorce na.” Ang sabi ni Mrriam. “Bakit si Tomas, hangang ngayon ay binata pa naman,” ang sabi naman ni Luis.

Nagkatuwaan uli sila at masayang masayang naghiwalay. Si Rosa naman ay nagyaya na pumunta sila sa ospital para dalawin ang ina ni Tomas.

Dumating na sina Tomas at Rosa sa ospital at naabutan nila si Elena na nagbabantay. Humalik si Elena kay Rosa at nagsalita: Pasensya na kuya inilihim namin ito sa iyo. Matagal na pong dumadalaw si Ate Rosa kay ina. Minsan nga po nakapg donate sya ng dugo kay ina ng una syang naoperahan noon. Kaya lang nakiusap sya na wag ko raw sabihin sa inyo baka daw kayo magalit.”

Walang araw na inaksaya sina Rosa at Tomas na hindi sila magkasama nito. Sinabihan ni Tomas si Rosa na kung maari ay wag ng bumalik ng Hongkong at aantayin na lang nilang gumaling ang ina nito at magpapakasal na sila sa America. Pumayag naman agad si Rosa ngunit kailangan pa nyang mag resign sa trabaho at ayusin ang mga personal na gamit at dalhin na ito sa America.

Isang gabi pag kagaling nina Rosa at Tomas sa pamamasyal ay dumaan sila sa ospital para magpaalam si Rosa sa ina ni Tomas at kay lElena sa dahilang kinabukasan ay babalik na syia ng Hongkong. Ang laking tuwa nila ng madatnan na magaling na ang ina nito at nakakatayo na. Agad sinabi ni Tomas na gusto na nyang pakasalan si Rosa at natuwa naman ang ina nito at mga kapatid.

Nagulat din sila nang biglang dumating din ang ina ni Rosa at mga kapatid nito at dumalaw sa ina ni Tomas. Pinabatid agad ni Tomas ang balak nilang pagpapakasal ni Rosa sa susunod na buwan na pagbalik nito. Natuwa naman ang ina at mga kapatid nito.
Nagpaalam na lang sina Rosa at mga kaanak nito at nagsabing sasabay na lang sya sa kanyang mga kapatid para wag nang mapagod pa si Tomas. Pumayag naman si Tomas at sinabing sya na lang ang maghahatid kay Rosa sa airport linabukasan.

Dahil nga sa baka mabigla ang ina n ito sa mga kasayahan na sinasabi ni Tomas, tinuturukan ito ng mga doctor ng pampatulog. “Kuya salamat naman at si ina ay gumaling na,” ang sabi ni Elena. “Oo nga kaya tayo ay magpasalamat sa Dios,” ang sabi ni Tomas. “Oo nga kuya ngayon lang ay nagpapasalamat na ako sa Kanya at para na rin sa aking dinadasal na natupad na kayo ay magkabalikan ni Ate Rosa,” ang sabi naman ni Tomas.

“O sige matulog ka na rin at parati ka ng puyat,:” ang sabi ni Tomas sa kapatid.

Wala na sanang balak bumalik pa ni Tomas ng Pilipinas sa dahilang napakasaya na nya dito sa America at aantayin na lang nya si Rosa at magpapakasal na sya.

Habang nakatulog ito si Elena ay pinag masdan ang ni Tomas ang maamong mukha nito. Naalala nya na ng maliit pa ito ay parati nyang kinakarga. Kung napapaaway nga ito sa mga kalakihan ay sya agad ang tinatawag nito.

Nang magdalaga na ito ay marami ring mga manliligaw sa dahilang napakaganda ng kapatid nyang ito. Ngunit ni isa man lang ay walang naging kasintahan ito sa dahilang batid ni Tomas na idodolo sya nito. Sinabi sa kanya ni Elena noon ay kung iibig lang sya sa isang lalaki ay nanaisin nya na dapat kasing talino at mabait na katulad nya.

Ngunit ng pumunta sya sa America ay nalaman nyang nagging malungkutin ito. Hindi nakikipausap sa mga lalaki. Sumasariwa pa sa kanya ang masakit na regalo na inihandog sa kanya na mga video tapes. Hindi sya nagalala tungkol kay Rosa na kinawa niyon ni Rod sa dahilang una ay nagkarelasyon ito sa kay Rod at pangalawa tinangap na nya si Rosa at wala namang pagbabago sa kanyang pagmamahal ditto. Ngunit sa ginawa nito kay Elena at ang kanyang pagsumpa sa libingan ng kanyang kapatid na igaganti nya ito ay kailangan nyang gawin iyon. Iniisip nya na kailangang maisakatuparan iyon.

Habang sya ay nagisip isip at nagmumunimuni at tumawag sa kanyang cell phone si Secretary Sanchez at nagsabing sa susunod na lingo ay matitiklo na nila si Rod Sanchez at mga kasamahan nito. Ayos na lahat sa dahilang may kooperasyon na ang mga diplomats at inaantay na lang nila ay pagdating sa isang lingo ng barko. Isa lang ang hadlang para sa kanila. Hangang ngayon ay wala pa silang warrant of arrest kay Tomas. Kailangan daw may complainant na may matibay na ebideensya na magreklamo para ma demanda at maaresto si Rod Sanchez.

Nang natapos silang magusap ni Secretary Sanchez ay naalala nya ang tungkol sa video tape na naandon si Elena na umiiyak ito at nakikiawa kay Rod habang ito ay pinapasok ang kanyang sandata. Naisip agad nya na si Elena ay may edad lg na 22 anyos ngayon at halos ay sampung taon na ang nakadaan na ang ibig sabihin noon ay maaring 12 years old sya ng maganap iyon, pumapasok ito sa tinatawag na “statutory rape” at walang bail ito. “Tama ang video na iyon ay matibay na ebidensya,” ang panaghoy ni Tomas sa kanyang sarili. Tumawag agad sya kay kapitan Sachez na i secure agd ang video tape na iyon. Pagkatapos niyon ay gumawa agad sya ng affidavit—complaint at kinabukasan ay pinaliwanag ito kay Elena na dapat nitong pirmahan Umiyak si Elena at niyakap si Tomas at nagpasalamat ito na sa tulong nya ay magkaruan sya ng hustisya laban kay rod at pati na rin sa kanyang panganaya na kapatid.

Kinabukasan habang hinahatid ni Tomas si Rosa sa airport ay nagsabing kinabukasan din daw ay uuwi sya ng Pilipinas. Nakiusap si Roa na wag ng umuwi si Tomas sa dahilang para syang kinakabagan. Pinagtapat nya ang nangyari sa kanyang dalawang kapatid at kanyang responsibilidad na mademada si Rod. Napaiyak si Rosa ng mabatid na pati sa kawawang si Elena ay nagawa pala iyon ni Rod. Umiyak sya kay Tomas ngunit sinabi naman ni Tomas na hindi rin sya magtatagal at lingo lang ang kanyang aabutin sa Pilipinas at babalik na sya sa America para ihanda ang kanilang kasal.

Pagkahatid nya kay rosa sa airport ay agad ito tumuloy sa Philippine Consulate sa San Francisco para ma notaryahan at ma authenticate ang affidavit-complaint ng kanyang kapatid na si Elena. Pagkatapos ma notaryuhan ng Philippine Consul ay pinadala agad nya sa courier pauntang Pilipinas.

Dinala agad ito nina Secretary Cruz sa Fiscal’s Office. Linakad nilang maigi at hini nagtagal ay naisampa ang kaso at nagbigay na ang korte ng warrant of arrest laban kay Rod Sanchez.

Tumulak na rin si Tomas papuntang Maynila at sinundo sya nina Captain Siazon at Secretary Cruz.

Handa na rin ang buong grupo, kasama ang mga heneral at mga tauhan nito na ireraid na nila ang isang kargamento na puno ng druga galing ibang bansa. Nakahanfa na rin ang warrant of arrest ni Rod Sanchez. Alam na rin lahat nila ang bawat galaw at kilos nito.

Chapter XXIX
Ang Naiwang Alaala: Isang Pagmamahal
(katapusang yugto ng nobelang "Isang Pagmamahal")



Bumalik na si Tomas sa Pilipinas at waring inip na sya sa mga oras na gusto na nyang dumating ang araw ng Lunes ng hapon kung saan darating na ang isang malaking barko na ang pangalan ay “M/S Jupiter” na galing pa ng Columbia at pansamantalang gumilid ba sa karagatan malapit sa South China Sea para kumuha pa ng ibang druga at madala ito sa Pilipinas. “Limang araw na lang Tomas at nasa piitan na si Rod Sanchez,” ang sabi ni Secretary Cruz. “Ano ba ang balak mo pagkatapos ng mga ito?” ang mga pagtanong ni Secratary Tomas.

Sinabi ni Tomas na wala na syang maisip na gagawin at gusto na lang nya na iukol ang buong panahon nya kay Rosa, sa ina nya, mga kapatid at sa mga anak ni Ana na itinuturing na rin nyang tunay na mga anak.

“Paano ang negosyo natin dito at napakalaki na?” ang pagtatanong muli ni Secrtary Cruz.

Sinabi naman ni Tomas na bahala na ang mga matapat nilang mga tauhan. Gagawin nya itong mga malalaking kumpanya sa Pilipinas na isang “role model company” na kung saan mismo ang mga manggagawa ay magkakaroon ng profit sharing para narin hindi lang maging maunlad ang kumpanya ay magkakaroon ng pagkakataon na mismo ang mga manggagawa ay may porsyento na pagaari ng kumpanya. Ang mga matitirang kita ay ilalaan pa rin nya bilang tulong pinasyal sa mga charitable institutions at tulong sa mga naulilang pamilya ng mga alagad ng batas na sinawing palad sa pagpapatupad ng batas.

Iniisip ni Secretary Cruz na sayang ang mga perang iyon.Hindi dapat mapupunta sa mga tao. Dapat sya ang makikinabang. Binabalak nyang total hawak nya ang mga papeles ng mga kumpanya ay kanya na itong i take over matapos ang operasyon ng plano nila at pag bumalik na si Tomas sa America. Iniisip din nya na karamihan sa mga dummy ay hawak nya ang mga ito.

Hindi pa sila natatapos magusap ni Secretary Cruz ay isang tawag sa telepono ang tinanggap nila. Isa raw malaking armed robbery ang naganap. Patay halos lahat ng mga nag holdup sa isang mayamang pamilyang intsik, nginit nakatakas ang isa sa mga holduper sa dahilang ginawang hostage ang isang batang 12 years old. Patay daw ang ama ng bata at ang ina naman daw nito ay agaw buhay na dinala sa ospital.

Nasusundan na raw ng mga pulisya ang isang kasamahan na nakatakas ngunit ito ay may hostage na 12 years old. Nagulat sila sa ina nito dahil ng dinadala sa ospital ay binabangit ang pangalan ni Tomas.

Dali daling pumunta sina Tomas at Secretary Cruz sa ospital para alamin kung bakit ang babang ito ay hinahanap ang pangalang Tomas Tuazon.

Pagdating nila sa ospital ay nalaman agad ni Tomas na malubha pala ang tama ng babaing iyon. Pagpasok nya sa silid nito ay biglang kinausap sya at nagsabing: “Patawad Tomas at ako ay lumayo sa iyo. Hanapin mo si Tomas at sagipin mo sya. Ang batang tinangay ng isang holduper ay iyong anak. Inaruga naming sya ng buong pagmamahal at pinangalan din ng Tomas batay sa pangalang ng kanyang tunay na ama.”

Dali daling tinawagan ni Tomas si Captain Siazon para sagipin ang bata na buhay. Natukoy naman agad ng kapitan sa dahilang nasukol na nga ito ng mga pulis.

Sumuko ang kidnapper at nagsabing hindi naman sya an glider ng bandido. Sinabi nito na ang pinaka utak ng samahan ay si Rod Sanchez at handa syang makipatulungan sa gobyerno.

Naalala ni Tomas na ang babaeng iyon ay si Yenyen. Alam nyang nabuntisan nya iyon ngunit ito ay nawala sa kanya at nagpakasal sa isang mayamang intsik.

Hindi nagtagal ay dumating na si Captain Siazon at dala ang batang si Tomas. Iniharap ito sa ina nitong si Yenyen. Umiiyak si Yenyen habang agaw buhay itong nagsalita: “Tom, halika mahal kong anak. Wala na ang iyong ama at ako ay mawawala na rin. Ngunit gusto kong malaman mo na kahit ang am among pumanaw ay hindi mo tunay na ama ay kanya ka naming inaruga at minahal higit pa sa isang tunay na anak nya. Ngunit wag kang magalala anak. Naandito at kaharap mo ang tunay mong ama. Isang araw ay malalaman mo na rin kung bakit naming nagawa iyon. Masaya akong mawawala sa dahilang alam ko na ang tunay mong ama ay napakadakila. Kami ang may kasalanan kung bakit naming inilihim ito sa iyo.Paalam anak at mahalin mo ang iyong tunay na ama. Tomas, patawad na muli. Bahala ka na kay Tom at siya ay tunay mong anak. Mahalin mo sya katulad ng pagmamahal na binigay naming.”

Hindi nagtagal ay pumikit na ang mga mata ni Yenyen at tuluyang pumananaw na.

Kinarga ni Tomas ang batang si Tom, at nagsalita: “Hayaan mo anak at dadalhin kita sa America. Pagdating natin sa America ay buong panahon ko ay ibubuhos ko sa inyo.

Agad pinaasikaso ni Tomas ang mga travel documents ng bata. Nakipagusap din sya sa mga kaanak ni Yenhen at asawa nito at masaya naman itong tinatanggap nila na mapapunta sa kanyang tunay na ama. Alam kasi naman nila na hindi ito tunay na anak ng asawa ni Yenyen sa dahilang baog pala iyon.

Nalaman din ni Tomas na napakarami pala ang naiwan na mga kayamanan ng magasawa na para sa bata. Hindi ito pinansin ni Tomas at hinanda nya na ito ay isasama nya sa America..

Dalawang araw bago sumapit ang raid ay pinahanda na ni Tomas ang mga kaukulang papeles para malipat sa mga tao ang kaukulang mga porsyente ng kumpanya para sa mga manggagawa nito. Binigayan di si Captain ng halos P20-million pesos para makasimula ito ng desenteng pamumuhay at pinagkatiwala ang mga bahay na maiiwan.

Kaya nang mabatid iyon ay galit nagalit na tinawagan si Tomas.

“Ano ka ba Tomas sinayang mo ang malaking pagkakataong ito? Hindi na magtatagal ay pati Malacanan ay makukuha natin. Sa pamamagitan ng salapi at impluwensya nating nagawa ay tayo na ata ang pinakamakapangyarihan sa Pilipinas. Balang araw ay pwde na ako ang maging pinuno ng bansa Tomas.”

Sumagot naman si Tomas.

“Alam ko iyon, ngunit ayaw ko nang pangarapin iyon. Masaya na ako sa mga biyaya na binibigay ng Dios sa akin. Ang buhay ay maiksi lamang. Ngunit ang mga pangarap ng tao ay walang hangan.”

Galit na galit si Secretary Cruz at binaba ang telepono.

Kinaumagahang hapon ay dumating na nga ang malaking barkong “M/S Jupiter”. Malalaking containers ang mga dala nito at naka consign sa mga ibat ibang embahada ng mga ibat ibang bansa. Nakaalis agad sa pier at clear agad sa customs ang mga iyon sa dahilang kumpleto nga ang mga papeles.

Dinala ang mga karhamentong iyon sa isang lihim na taguan ni Rod Sanchez. Mismo nagulat sina kapitan Siazon ng may mga hagad pang escorts ang mga iyon. Alam na nila kung sino ang mga pulis na kasabwat. Lalo pang nabigla sila at dinala ito sa isang lumang gusali na pagmamay ari mismo ng gobyerno. Humanda na ang raiding team ng mga heneral na magsasagawa ng malaking raid sa kasaysayan ng Pilipinas.

Ngunit matalino si Kapitan Siazon. Nagpaiwan sya ng mga iilang tao sa pier. Tumawag sa kanya ang mga ito na may mga kargamentong linipat at sinakay sa isang maliit na mga bangka papuntang Cavite City. Agad inalerto ang mga kasamhan sa Cavite at sumugod na sya ditto. Alam nyang ang malaking convoy ay maaring decoy lang sa dahilang maaring may nag tip kay Rod ang operasyong ito.

Sinagawa na nga ang malaking raid sa mismong lumang gusali na pagaari ng pamahalaan. Tama nga ang hinala ni kapitan. Decoy ang mga ito at ang lahat ng mga containers at ang laman ay mga lumang damit na donasyon daw ng mga ibang embahad para sa Pilipinas. Palpak ang raid na iyon.

Sa isang hindi kalayuan lugar ay dalawang kotse ang pumarada. Bumaba rito ang isang taong nakasalamin na sun glass. Ito ay si Rod Sanchez at lihim palang nakipagkita kay Secretary Cruz. Nagkamayan ang dalawa at si Secretary Cruz ay nagsalita.

“O, nabalitaan mo na na palpak ang raid. Mismo ang presidente ng Pilipinas ay pumunta sa raid sa akalang napakalaking operation ito ng gobyerno. Ngayon ay napahiya lahat sila. Galit nag alit ang prsidente ng bansa at magkakaroon ng malaking overhaul sa kapulisan. Matatangal ang mga hawak ni Tomas.”

Ang sagot naman ni Rod,

“Pinahanga mo talaga ako sa iyo. Isa ka talagang ulupong at bagay nga tayong magkasama na parehong kampon ni satanas.Huwag mo ng isipin si Tomas. Sabihin mo kong saan sya naroroon at nagtatago at ito ay aking papatayin. Pagkatapos nito ay magdiwang kana at ikaw na ang mamahala ng lahat na maiiwan ni Tomas.”

“Sandali muna, nasaan na ang pangako mo,” ang sabi ni Secretary Cruz.

“Ito ang susi, ang loob ng sasakyang iyan ay halos 10-million US dollaras ang laman nyan. Iyo lahat yan. Akin na ang kotse mo at magpalit tayo ng sasakyan.”

Nagpalit na nga sila ng kotse at menamaneho na ni Rod Sanchez ang sasakyan ni Secretary Cruz at ngumisi at nagbulong sa sarili: “Ang ulupong ay ulupong. Hindi ito dapat pagkatiwalaan,” sabay pindot ng remote control na hawak nya at sumabog na nga ang sasakyang minamaneho ni Secretary Cruz. Kasama sa pagsabog ang mga pekeng dollar bills.

Si Tomas naman ay pinaayos na ang kanyang mga gamit at paunta na itoing airport. Tinawagan ang anak nitong si Tomas na sa kasalukuyan ay nasa mga kamaganak ng kanyang yumaong ina na si Yenyen upang magpaalam. “O anak humanda kana at magpahatid kana ditto sa bahay at pupunta na tayo ng airport,” ang sabi ni Tomas sa anak.

Hindi nagtagal ay tumawag si kapitan Siazon at masayang nasakote nga nila sa Cavite City at mismong sa resthouse nga ni Rod Sanchz dinala ang napakaraming druga.”Boss mission accomplished, all members of the syndicates except Rod Sanchez who remains at large were apprehended,” ang pagrereport ng Kapitan. “Congratulations and job well done,” ang pahayag naman ni Tomas. Punta kana ditto sa bahay at paalis na ako at may mga mahalagang papeles akong iiwanan sa iyo.” “Okey Boss, take off na ako ditto at wag na kayong magalala sa dahilang wala na ang druga at sindikato ni Rod Sanchez,” ang sagot nito. “Ako na ang bahala magaresto dyan at wala na syang mapupuntahan at lansag na ang kanyang mga tauhan,” ang dugtong ng kapitan.

Hindi alam ni Tomas ay nakapasok na pala si Rod ng bahay sa dahilang binuksan ng guardia nito ng makita agad ang familiar na sasakyan ni Secrtary Cruz. Pagbukas ng gate ay binaril na may silencer ang dalawang guardia at tumungo ito sa walang kamalay malay na kinaroroonan ni Tomas.

“Sa wakes ay nakaharap din kita,” ang bungad na bati ni Rod. Dahilan sa iyo ay sinira mo ang aking negosyo,” ang sunod na pananalita ni Rod sabay kinasa at tinutok ang baril sa ulo ni Tomas.

Hindi nagtagal ay dumating na si Kapitan at ang laking sorpresa nya ng may tumigil na taksi sa harapan ng bahay nila. Isang magandang babae ang bumaba at tinanong ito ng kapitan.

Ito pala ay si Rosa at sinorpresa na puntahan si Tomas sa Maynila galling sa Hongkong sa dahilang nagalala sya kay Tomas. Ngunit ang dalawa ay nabigla ng makitang bukas ang gate ng bahay na iyon at nakalnatay ang mga duguang dalawang guardia ng bahay. Dali daling binunot ni Captain ang 9mm na pistola nya at pumasok ng bahay.

Nang makita nya si Rod ay agad nitong inasenta nya at kinalabit ang gatilyo ng baril ngunit pumotok na ang baril ni Rod at tumama na ito sa dibdib ni Tomas. Nang muling barilin iyon ay inulan na ng kapitan ng pagputok ito kay Rod hangang ito ay bumagsak.

Dumating na si Rosa at niyakap agad si Tomas. Si Tomas. Hindi nagtagal ay dumating na ang batang si Tom at niyakap din ang duguang katawan ng ama. Agaw buhay na inabot kay captain Sanchez ang mga hawak na papeles kung saan pinirmhan nito ang pagbibigay ng pagaari para sa mga mangagawa ng mga kumpanya nya.

May dumating na pari para bendiyunan si Tomas at igawag ang huling sakramento. Ngunit bago isagawa iyon ay humiling si Tomas na ikasal sila ni Rosa. Hindi nagatubili ang pari na igawad ang kasal na in articulo mortis. Pagkatapos niyon ay benendisyunan ng pari si Tomas at binigay ang huling sacramento ng panginoon..

Nagawa ni Tomas magsalita ng mga sumusunod na kataga:

Paalam aking mahal at ako’y yayao na.
Masaya akong namamaalam sapagkat sa huling sandali ay kapiling ka.
Wag sana mong kakalimutan ang aking mahal sa buhay upang di sila mangungulila.
Paalam aking mahal at ako’y tinatawag na ni ama.
Ang aking binitawang Isang Pagmamahal ay sana’y iyong parating maalaala.

Niyakap ni Rosa ang kanyang mahal. Ang batang si Tomas ay niyakap rin ang ama. Hindi nagtagal ay binigkas na nito ang huling salita: “Paalam sa aking mga mahal sa buhay.”

Malaki ang pagkalungkot ni Captain Siazon sa pagkamatay ni Tomas. Batid nya itong napakadakila ni Tomas.

Nang ibinurol si Tomas ang buong bansa ay nagluksa ng malaman nila ang mga naganap sa buhay ni Tomas.Dumating din ang ina nito at mga kapatid. Buong kapulisya at ang gobyerno ay binigyan si Tomas ng isang state funeral.

WAKAS

Epilogue:

Ang buhay ay sadyang mahiwaga
Hindi natin alam kong ano ang bukas.
Ngunit sa mga galaw natin ay tayo ang nasusunod.
Bawat galaw natin ay may pananagutan tayo sa lahat.
Ang mga pagsubok at mga problema sa buhay ay sadyang may kahalagahan.
Upang maisip natin na tayo ay tao lamang at mapusok.
Ang lahat ng bagay sa mundong ito ay may hanganan.
Ang lahat ng tao ay may katapusan.
Hindi nga lang natin alam kung kailan.
Ngunit ang pagmamahal sa tao ay walang hanganan.
Walang kinikilala, mayaman man o mahirap.
Ang pagmamahal ay bigay ng Dios.
Na kahit pumanaw ang isang tao, ang pagmamahal ay nasa puso at damdamin.
Hindi ito kayang tanggalin ninumang nilalang sa mundo.
Dahil ang pagmamahal na kahit ano mang uri ay hindi nawawala.
Sa dahilang ang pagmamahal ay handog ng Dakilang Maykapal.


MARAMING SALAMAT PO!